سؤال للبنات بس صعب شوية؟

لكل إخواتى

عندي سؤال محتاج لتفكير العقـل

مـــع

إستشــارة القلب في إتخـاذ هذا القـرار

لو اتقدملك عريسين :

1- واحد بيحبك لكن انتى مش بتحبيه؟

2- واحد بتحبيه لكن انتى عارفه انه مش بيحبك ولا بيفكر فيكى ولا بيقدرك؟

ياترى تختارى مين فيهم؟ و ليه؟

ويا ريت اشوف رايكم واتمنى الموضوع يعجبكم

اول حاجه بشكرك اوي عل الموضوع ده وبجد حلو
انا ردي اني مش هااختار اي حد فيهم ليه ؟
عشان الي بيحبني اكيد هايسعدني بس انا مش ها اسعده وبكده ها ظلمه معايا
والتاني مش بيحبني طب اتقدملي ليه شفقه يعني لا مستحيل اوافق علي كده فا بردو هارفضه
ومرسي مره تانيه

هى صعبة شوية بس لو الحال وقف يعنى اكيد هختار اللى بيحبنى لانة هيسعدنى وهيحسسنى بحبة لية اكيد هحبة لانى غصب عنى اهتمامة بية وحبة وكل حاجة حلوة بيقدمهالى اكيد لازم يكون فى منى مقابل والمقابل هيبقى حبى لية ميرسى على الموضوع دة

انا مش هختار ولا واحد فيهم لان واحد بيحبنى وانا مش بحبة يبقى هيحصل بنا مشاكل كتير ومش هحبة ممكن ابينلة انى بحبة بس من جوايا مش طيقاه

وواحد بحبة وهو مش بيحبنى ممكن اخلية يحبنى بس برضو هتبقى مجاملة ليا علشان ميجرحنيش وهيبين انة بيحبنى بس من جواة حاجة تانية

الاحسن انى احب حد واثقة انة بيحبنى وفى مقولة حلوة اووووووووووى

يا مواضيعك يا ميمو

لو اتقدملك عريسين :

1- واحد بيحبك لكن انتى مش بتحبيه؟

2- واحد بتحبيه لكن انتى عارفه انه مش بيحبك ولا بيفكر فيكى ولا بيقدرك؟

ياترى تختارى مين فيهم؟ و ليه؟

بصى بيقولك ايه خدى الا بيحبك ومتخديش الا بتحبيه انا هاخد الا بيحبنى ماخدش واحد مش بيحبنى انا هحبه طب وهو فييييييين لما اخد واحد بيحبنى هيسعدنى وهكون مبسطوه معاه ومع مرور الايام هحبه اما الا انا بحبه ومش بيحبنى هيعزبنى معاه علشان انا بحبه فالا بيحب بيضحى لاء انا اختار الا بيحبنى


ميرسى يا ميمو بجدموضوع جامد زيك كدا

بجد سؤال صعب اوى

بس انا رائى ان الاتنين مينفعوش لانك عمرك مهتحبى الى بيحبك وهتظلميه معاكى

وعلشان هوى بيحبك هيحس بجرحك ليه

وانا مش معاكم فى خدى الى يحبك ومتخديش الى بتحبيه

انتى هتخدى الى بيحبك طب انتى فين وحبك فين وحياتك ورومانسيتك

والتانى عمره مهيحس بيكى ولا بحبك ليه

ومرسيه على السؤال الجااااااااااااااااااااااااااااااااامد دى

مرسي اوي ع الكلام الجامد ده بس أنا من رأي تاخدي اللي بيحبك متخديش اللي أنتي تحبيه علشان اللي بيحبك هو اللي هيسعدك ويقدرك بجد لكن اللي أنتي بتحبيه عمره ما هيحبك وعلي رأي اللي قالوا "خدي اللي يحبك متخديش اللي أنتي تحبيه" وبجد مرسي