عايزه اجابات صريحه منكم

السلام عليكم ورحمه الله وبركاته
عندي اساله ليكم يا شباب وبجد عايزه اعرف اجوبتها
س1) اكيد كل الشباب الي في المنتدي عاشو قصه حب ولو له مره واحده بس سؤالي ليكم
انتو لما بتحبو ا اكيد بتكلم حبيبتك طب ليه لما اختك تحب يبقا ده غلط في رايك ومش بعيد تزعق فيها وتتخانق معاها؟
هل في رايك ان البنت الي اتحب تبقا بنت من بنات اليومين دول؟
هل هو ده رايك في حبيبتك؟
لو كان اه هو ده رايك امال بتحبها ليه؟
ولو كان لا طب ليه اختك لا ممنوع انها اتحب ؟
بدون زعل يا شباب بس بجد عايزه عرف اجابتكم

لو انا متاكد ان حد هيبقى بالحب والحنان زى ما انا بقدمه لحبيبتى هسيبه يكلم اختى بس للاسف محدش ز يى

ممكن يا بيدو يكون فيه انت ما تعرفش فاهل لو لقيت حد كده تسمحلها ؟
وبجد مرسي عل لارد والمرور

هو الموضوع مش كده بالضبط ولكن الواحد بيخاف على حبيبته زى ما بيخاف على اخته وعمره ما هيفكر انه يضرها لكن تضمنى منين اللى هيبحها هيبقى زيك ولا........
وبعديـــن الواحد بيمنع اخته لانه بيبقى مر بتجربه وهو فاهم اكتر منها فبيحاول ينصحها مش اكتر...
وحقيقى موضوع جميـل

مرسي يا دوك بس اصل في ناس بتعمل كده بس له غرض المنع او التحكم مش عشان النصح عشان كده سالت ومرسي عل المرور