السلام عليكم ورحمه الله وبركاته
خليك روش تكون كول
خليك نو مبادئ تكون شاب كول
خليك نو اخلاق تكون محبوب
خليك نو اخلاص تكون شاب خلبوص
خليك فى القهوه تكون انسان له لزمه
خليك مطنش تعدى اى ازمه
خليك كده وكده كده الامه ضايعه
الكلام الاول ده مش نصايح
الكلام الاول ده استنكار
من احوال بنشوفها حوالينا
هل كل شيئ حوالينا وحش
هل بقينا مهمشين
هل احنا منقدر نفيد نفسنا ونفيد الغير
هل التتر بقا فى حياتنا سريع
هل كلمه شباب يتبعها روشنه
هل الروشنه ان الولد يلبس بنطلون ممكن يقع منه وكمان السلسه فى رقابته
هل الروشنه عند البنت تمشى وكانها فى كباريه وشعرها معمول كام لون وعنيها متغيره كل يوم بلون
هل الروشنه ان اصاحب فلان علشان عنده اخت
هل الروشنه انى احب ومش مهم احب مين
هل احنا بقينا للدرجه دى دخلنا ايطار التفاها
هل وصل بينا الحال اننا نحط رجل على رجل قدام ابونا وامنا
هل هنقدر نثبت نفسنا بالعكس
الاجيال مش زى بعضها وزمان غير النهارده
لكن لحظه لحظه
الدين مبيتغيرش
دينا قال لنا ايه
شرعنا قال ايه
زمان حاربوا علشان رايه الاسلام تترفع فى العنان ماتوا فى سبيل الله علشان الرساله توصل ليا وليك وتوصل لنا كلنا
زمان كان الدين همهم
دلوقتى احنا كشباب همنا ايه
اقولكم همنا ايه
اولا ازاى احب واتحب
ازاى يكون عندى فلوس
ازاى اكون شاب روش اكون كول ومكنش خنيق ومعقد
ازاى اكون بنت جذابه
ازاى اكون بنت الفت النظر ليه باى طريقه مشيتى ولبسى ولفه طرحتى او لون شعرى
اهتمامتنا اتغيرت عنهم زمان
لانهم شافوا الدنيا دنيا زوال اما احنا فبصينا ان الدنيا دار البقاء
اعرف دينك تعيش دنيتك
دى نصيحه من اخت بتحبكم فى الله
ياريت اكون قدرت اوصل فكرتى وقصدى من الكلام وربنا يهدينا جميعا
والروشنه هى المفروض تكون معنى اخر للجدعنه مش للهيافه السخافه
سلامى ليكم ويارب الموضوع ينال رضاكم
الثلاثاء سبتمبر 07, 2010 9:40 am
