** ازاى تبقى رزل فى الكلية هههههههه **, **خليك معايا وانت تكسب هههههه **

** ازاى تبقى رزل فى الكلية هههههههه **, **خليك معايا وانت تكسب هههههه **



ازاى تبقى رزل فى الكلية ههههههههه


خليك معايا وانت تكسب


فى الكلية هتقابل صحابك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟

***********************



سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

***********************

وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة

شبه التورتةومتنساش تعيب على الأكل وأنت بتحاسب وكمان تقول الحساب غالى ههههههههههه

***********************

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم


لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

**********************

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض


استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا00

*********************

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد


هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

*********************

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص


لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر

خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى

أعمل أيه بالظبط لحد ماتشل أكبر عدد ممكن

********************

وبكده يبقى أنت مارست هوايتك وقضيت يوم رذل ههههههههههههههههههههههههههه


الردود

ههههههههههههههههههه لا تمام تمام في رزاله تانيه بس ده انا بعملها في المدرسه لما يكون عندك حصه والميس خلصت الدرس ولسه باقي عشر دقايق وتخلص الحصه والجرس يضرب خليها لغايه ما تقعد وقولها هو احنا متاخرين في المنهج ؟لو قالت اه قولها طب يلا يلا يا ميس خلينا ناخد درس تاني بسرعه وكده تكون دبستها وكسبت كره زمايلك ليك الي منتضرين الكلاس يخلص بفارغ الصبر وتاكد انك بتعرف تلعب كارتيه لانك ها تتضرب بره منهم ولو قالت لا احنا متقدمين قولها خلاص بكره ناخد الحصه ده حفله بمناسبه عيد ميلادي حتي لو يكون عيد ميلادي بعده بسنه مش مشكله المهم تضايقها وتقف واتقول مستنيه الهدايت بقا
ده بقا رزاله المدرسه هههههههه

ههههههههههههههههههههههههههههههههههههههههههههههههههههههههههههههههههه ميمو موضوع حلو اوى ودى مش رزالة دى غباوة