مانرضاش يخاصم القمر السما
مانرضاش تدوس البشر بعضها
مانرضاش يموت جوا قلبى ندا
مانرضاش تهاجر الجزور ارضها
مانرضاش قلبى جواه يغنى
اجراس تدق لصرخة ندا
تموت حته منى
اجراس بتعلن نهاية بشر من العباد
دى الحكمة قتلتنى00 وحيتنى
و خلتنى00 اغوص فى قلب السر
قلب الكون
قبل الطوفان ما ييجى
خلتنى اخاف عليكى يامصر
واحكيلك على المكنون
مين اللى عاقل فينا مين مجنون
مين اللى مدبوح م الالم
مين اللى ظالم فينا مين مظلوم
مين اللى مايعرفش غير كلمة نعم
مين اللى محنيلك خضار
الفلاحين غلابه
مين اللى محنيلك عمار
عمالك الطيابه
مين اللى بيبيع الضمير
ويشترى بيه الدمار
مين هو صاحب المسأله
والمشكله والحكايه و القلم
رأيت كل شىء
وتعبت على الحقيقه
قابلت فى الطريق
عيون كتير بريئه
اعرف بشر
عرفونى لأ
لأ ماعرفونيش
قبلونى وقبلتهم
بمد ايدى لك
طب ليه ماتقبلنيش
لايهمنى اسمك
لا يهمنى عنوانك
لايهمنى لونك ولابلادك
مكانك
يهمنى الانسان
ولو مالوش عنوان
ياناس ياناس
هى دى الحدوته
ياناس يا مكبوته
هى دى الحدوته
حدوته مصريه
__________________
السبت مارس 27, 2010 3:47 pm
