حوار ساخن جدا بين الشباب والبنات وبجد اسئلة ناس كتير عايزة تعرف الإجـابـة

*السلام عليكم ورحمة الله وبركاته*

بصو يا جماعه الموضوع ده مينفعش يتحط لا في قسم البنات فقط ولا الشباب فقط

لانه موضوع لازم يشترك فيه الطرفين ( الشاب والبنت) بس بجد موضوع حلو جدا

تعالوا نشوف الموضوع هيتكلم عن ايه بالظبط وياريت نركز اوي فيه

(( الحوار المثالي بين الشبــاب و البنــات ))

وهو عبارة عن حوار مثير بين فريقين
فريق [ الشباب ]
فريق [ البنات ]

وضعتها من باب المداعبة وتخفيف حدة التوتر بين الفريقين.


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب..... وهكذا يستمر الحوار


[ ملاحظة ]


أرجوا أن نكون مع الحق دائماً بعيداً عن الإنتماء و التحيز

وانا اول حد هيسال

اولا البنات:لماذا تضع بعض الفتيات الحجاب ولكننا نرى أكثر من نصف شعرها مكشوف أو جزء كبير من الرقبة؟؟
هل مجرد منظر أو لمجاراة موضة معينة أو خوف من الأهل أم ماذا!!!؟؟؟؟؟؟؟

نشوف الردود بقي ولو حد زعل احنا قولنا انها مواجهة صريحه جدا بين الشباب والبنات

فكرة جميلة جدا وعجبنى سؤالك جدا لانة واقعى وفعلا موجود البنت المصرية بقت بتقلل من نفسها كتير اوى هى مفكرة ان كدة هى استيل ومفيش زية بس للاسف انا بنت زيها وبستحكرها ودة من غير زعل اما الولد فعادى منظر ولازم يبص علية ..........................................انا بقة بطرح سؤال على الشباب اية احساسهم وهما مسقطين البنطلونات بيحسوا باية برجولة ياريت الرد

بجد سؤال حلو كتير هو ممكن البنت بتعمل كدا مجرد موضه مع ان دا غلط وحرام بس برده لو سالنا الشباب ياتري بيسقطو البناطيل ليه وكل يوم يعملو نيو لوك جديد ف شعرهم ليه مش دا الالفاط للنظر وتشبيهم بالفتيات لو اجبتوا ع السؤال دا ممكن يبئا نفس الرد ع سؤالك صح ولا ايه

هههههههههههههه ولعت انا شخصيا بتكلم عن نفسي فانا محجبه ويوم ما اتجحبت كان برغبتي الشخصيه وعشان كده لا شعر ولا رقبه ولا الحاجات العبيطه ده واساسا ستايل ايه ده بيبقا الشكل مش حلو يعني ده وجهه نظري اما الولاد فا الي بيعملوه في شعرهم ده ايه الجل خلاص ها يرفع عليكم دعوه قضائيه

بجد الردود كلها حلوه اوي

وميرسي اوي علي مروركم ياحلوين

وياريت الشباب بجد يردو علي سؤالكم

بجد سؤال حلو من الادمين للبنات وردودهم بردو كانت كويسه د

وانا كمان هرد علي حكايه تسقيط البنطلون دي

في اللي بيعملها مفكرها رجوله وفي اللي بيعملها علي سبيل الموضه مش اكتر

بس في شباب بقي بيسقطوها بطريقه فعلا مستفزة جدا وده فعلا بيبقي مش طريقة ولا اسلوب

تدل علي موضع او رجوله او وجود شخصيه اصلا

انا من الشباب سقط البنطلون بس مش اوي يعني هههههههههههههههههه

بجد ميرسي اوي علي الحوار الحلو ده والسؤال الجميل ده من احلي البنات

مشكور ميمو

صدقنى يامحمد مش كل البنات زى منتى بتقول مش هقولك مفيش لافى وفى كتير كمان يمكن يكونوا بيعملوا دة لهدف معين مش هقولك طبع فيهم لا لان مفيش ولا اب ولا ام بيطبع بنته على اللبس الضيق والميكب والكلام دة وميرسى على سؤالك بس متجيش على البنات اوى كدة براحة علينا وميرسى على سؤالك

طب تصدق يا محمد انا مش بطيق الميك اب اصلا مش كل البنات كده وبعدين ليه بقا انتو بتعاكسو عايزه اجابه يعني افهم ايه الغايه منها ماشي ورا بنت وبتضايقها يلا جاوبوني بقا

ولعوها يا بنات
انا مع بلاك ليه الولاد بيحبوا يعاكسوا البنات وعلى الرغم ممكن البنت اللى بتتعاكس دى تكون لبسها محترم جدااااااااااا
وانا شفت واحده منقبه بتتعاكس ممكن اعرف دى بتتعاكس ليه ؟؟
ارجو الاجابه من الولاد اللى فى المنتدى
ارجو النقاش

ايوة كدة ولعوها يا بنات يا حلوين وانا بجد نفسى اعرف هما بيستفادوا اية من انهم يعاكسوا البنات

انتوا مضيقين نفسكوا ليه يا جماعه
بالنسبه لموضوع الشعر و الرقبه و الطرحه اللى مش طرحه الموضوع بسيط هما دول (الكاسيات العاريات) و دى علامه من علامات يوم : القيامه
و اللى عاوز يبص يبص براحتوا و عقابه عند ربنا اما لو على موضوع انه موضه انا معتقدش كده خالص البنت هى اللى بتبقى عاوزه كدهو فى بنات محترمه و بتلبس حلو و من غير ماتبين حاجه
و موضوع البنطالونات للى بتتسقط دى حاجه كده زى ماتقولى نقص الواد يمشى و هو مسقط البنطلون و يقوم واحد جاى من وراه و يقوم شادد البنطلون ساعتها مش هيعمل كده تانى و الناس اللى بتشد البنطالونات دول كتييير اوى
و لو على الشعر الطويل انا من الناس اللى كانوا مطولين شعرهم اوى اوى لما الكلام كتر من الناس و اهلى رغم انه صعب يتقال حاجه زى كده فى وشى لانى راجل
لانى من الناس اللى بيحطو الانكل على لرقبه و ارجل من دروجبه
حلقت ارعه و الحمد لله علشان ابقى راجل كامل من كل حاجه
معلش طولت عليكم

اولا اهلا بيك فى منتدى اصحاب توب

ثانيا شكرا جداااااااااا لردك الجميل وفعلا عندك حق فى كل كلمة قولتها

شكرا ليكى

نورت يا محمد وعلي فكره معاك حق في كلامك بس انا عندي اعتراض بس واحد المشكله ما بقتش في البنات الي لابسه كويس ولالا الولاد بقو بيعاكسو وخلاص المهم بنت لابسه كطويس ولالا مابقتش تفرق

معلش برضو ما انتى ماتجيبيش المنقبه زى اللى لابسه حجاب و لبس ضيق و ماشيه لابسه و اكنها مش لابسه
لازم تتعاكس
انا عن نفسى مش بيفرق معايا موضوع اللبس لانى كله عندى واحد
المهم اخلاق البنت و لو على المعاكسه فى بنات كتييييييييييييييييييييييييير اوى بتحب تتعاكس بتبقى فخوره بنفسها اوى و الولد عمال يقطع فى سمعتها
انا بقول وجهه نظرى يا جماعه مش اكتر
فى بنات حلوه و مؤدبه و وبتلبس حجاب و مبينه كل حاجه برضو مش شرط يكون كلهم يعنى
و اظن ان كله فاهم الكلام ده ولا ابه؟

اه اكيد بس انت بيتهيالك عشان كلنا بنتضايق اوي وواحد بيمشي ورانا عشان بيخلي منظرنا احنا الي وحش

احلى بنات تتعاكس البنات المجنونه
مجنونه مش بمعنى الكلمه يعنى اللى هى ممكن تعمله قلق
يعنى مثلا اول ما يقول حاجه تقوم جايه لافه و مدياله قلم على خلقته ساعتها هيجيلوا فوبيه من المعكسات
و يسلام بقى لو شبشبين كده على دماغه
يبقى كده كتر خيرك اوى
ايه رايكم فى الحل ده؟

صدقنى الحل دة مش بيمشى على كلة ممكن لو البنت عملت كدة الولد دة يصدادها فى الرايحة والجاية وميسبهاش فى حالها ويقول عليها كلام ولما يسألوة بتعمل لية كدة يقول برد القلم اللى ادتهولى صح ولا انا غلطانة ؟؟ بس بصراحة انا شفت بنات حصل معاها كدة

معلش معلش

انا برضوا لى سوال للصبيان
اية حبكم فى التدخين
يعنى انتم بتحسوا انكم رجالة وكبرتوا
لما بتشربوا السجاير
رغم انتم بتتكلموا على عيوب البنات
لزم كمان تبصوا على
عيوبكم
ومعلش بردوا يا بنات الغلط على الاهل اللى سيبنكم كدة

لو سمحتى متجمعيش
مش كله زى بعضه

انا مش قصدى كلة
انا بتكلم على العادة اللى اصبحت
فى معظم الشباب
وهم مش مقدرين مدى خطورتها

السلام عليكم نورتوا والله
ع فكره العاده دى مش عند معظم الشباب بس والبنات كمان
وبعدين المقوله اللى بتحسوا انكم رجاله دى سلبيه باعقل اثبات الرجوله اكيد مش بالتدخين