ـ ـمـ ــ ـنـ ــ ـتـ ــ ـدـ ـيـ ـآـ ـتـ ـ آـ ـصـ ــ ـحـ ـآـ ـبـ ـ ـ ـتـ ــ ـوـ ـبـ ـ



ـ ـمـ ــ ـنـ ــ ـتـ ــ ـدـ ـيـ ـآـ ـتـ ـ آـ ـصـ ــ ـحـ ـآـ ـبـ ـ ـ ـتـ ــ ـوـ ـبـ ـ

 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 نرحب بأعضاء منتدى اصحاب توب على كرسي الاعتراف

اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6, 7, 8
كاتب الموضوعرسالة
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   السبت سبتمبر 18, 2010 8:01 am

رشدي شكلك عايز بجد تموتنى انت مالك داخل حامى عليا كدا ليه ههههههههههههههههههههههههههههههههههههههههههههههههههههههههههههههههههههههههههههههههههههههه
بس انا مش بخاف ولابيهمنى اما نشوف اخرتها معاكو يااصحاب توب

- هل انتى مزاجيه؟
لاابدا
- هل انتى معقده؟
لاخالص
- هل تشعرين بالملل؟
اها جدا
- هل انتى زوق فى اختيار ملابسك؟
اها اكيد طبعا
- ما الصفه التى تطلق عليكى غالبا؟
برنسيس الجامعة او برنسيس الرومانسية
- هل انتى مغروره وشايفه نفسك؟
والله انتو اللى تجاوبو مش انا
- هل انتى حنونه؟
اها طبعا
- هل كذبتى مره كذبه كبيره ودخلت ع الكل؟
لاعمرى ماكدبت فى حياتى وانا بكره الصفة دى اصلا يبقى اروح اعملها ازاى يعنى
- هل تحسين ان فى شىء ناقص فى حياتك؟
اه
- هل تحسين انك مظلومه؟
اكيد طبعا
- هل يمكن ان تكرهى انسان بعد ان احببتيه؟
والله على حسب الموقف اللى عمله بس انا عمرى ماكرهت حد يعنى
- هل للماده دور رئيسى فى استمرار الحب؟
مش عارفة بس بيتهيالى اها بس مش اوى
- هل تؤمن بالحب من اول نظره؟
ايا كان نوع الحب فهو حب
- البعد ايخفف المشاعر ام يلهب الاشواق؟
لااكيد يلهب الاشواق
- متى تكونى فى احسن الاحوال؟
لما الاقى حاجة انا عايزاها تحصل وحصلت ببقى مبسوطة اوى
- اكمل العبارت معبرا عن نفسك
- تمشى عاده...
على طول بحب المشي لانه رياضة اصلا
- عندما تتكلم مع الاخرين تكون...
بحب اسمع اوى غيري لانه ممكن يكون بيقول معلومة تفدنى
- عندما تسترخى تكون...
اكون حققت حاجة بحبها
- عندما يمتعك شيء ما...
اكيد بتفرج عليه على طول
- عندما تذهبى الى حفله...
ببقى رايحة عشان اشوف صحباتى واسلم عليهم وتغيير جو برضو
- فى الليل فى لحظات قبل النوم....
بسمع موسيقى رومانسية هادية او اغانى هادية
- كثيرا ما تحلم ......
بالموت
- مين الشخص اللى نفسك تشوفه من اعضاء المنتدى؟
بصراحة كلكم
- اوصفى الاعضاء والقى عليهم القاب من وجهه نظرك؟
* بلاك:الشقية
* نور عينى:الطيوبة
* ميمو :big boss
*ميرو:العسولة
* كريزى :الذكية
* بيدو:النشيط
ميرسي يارشدي على الاسئلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأحد سبتمبر 26, 2010 1:51 pm

يلا ياحلوين كفاية عليا كدا اظن ان رشدي طلع كل القطط الفطسانة عليا هههههههههههههههههههههههه
المهم انا بستضيف العضو (((بيدو))) معانا على كرسي الاعتراف عايزاكو ترحبو بيه ترحيب جااامد اووووووووووى
منوووووووووووووووووور يابيدو دى بقى ياسيدي هدية عيد ميلادك بس يارب تكون عجبتك ههههههههههههه
ههههههههههههههههههههههههههههههههههههههههههه يلا كلنا نساله ونتعرف على بيدو الغامض اكتر
وتتفضل الاعضاء بطرح اسئلتهم على العضو واتمنى من العضو الاستمتاع معنا على الكرسي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
blackcat4


avatar

الابراج : الميزان
الكلب
تاريخ التسجيل : 05/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأحد سبتمبر 26, 2010 4:09 pm

بيدووووووووو يا ولكم يا ولكم هههههههههههههههه



يلا بقا دول حاجتين في الخفيف كده استلم



اكتر عضو مضايقك


العضو الي بيغيزك


اكتر عضو بتحبه


اكتب خمس اعضاء وادي لكل واحد منهم لقب


عضو نفسك تشوفه عل الحقيقه وعضو تاني نفسك تكلمه


عضو بتلاقي نفسك لا ارادي بتدور علي مواضوعاته

عضو بيفكر بنفسك

عضو بترتحله

عضو نفسك تعرفه اكتر


عضو نفسك تقوله بكرهك

يلا يا عم دول هديه عيد ميلادك لسه في هديه العيد الكبير ههههههههههههههههههههههههه

فاصل ونواصل اوعي تقلب المحطه عشان هااتلاقيني في المحطه التانيه بردو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الإثنين سبتمبر 27, 2010 7:52 am





هاتى يا ختى



اكتر عضو مضايقك


الاعضاء الكتير اللى مش بيشاركو معانا

العضو الي بيغيزك


مفيش حد الصراحة ....لان محدش يقدر يغزنى

اكتر عضو بتحبه


بحترم ميرو جدا


اكتب خمس اعضاء وادي لكل واحد منهم لقب


سارة: مليئة بالحيوية

ندى: طيبة لدرجة تنرفز

نور: الكبير اوى

ميرو: الاستاذة

رشدى : الاب الروحى


عضو نفسك تشوفه عل الحقيقه وعضو تاني نفسك تكلمه

عايز اشوف نور....ونفسى اكلم ميرو


عضو بتلاقي نفسك لا ارادي بتدور علي مواضوعاته

ميرو

عضو بيفكر بنفسك

رشدى

عضو بترتحله

ميرو

عضو نفسك تعرفه اكتر

ميمو

عضو نفسك تقوله بكرهك

مش هقول عشان المشاكل بس هو معروف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الإثنين سبتمبر 27, 2010 1:16 pm

اولا كل سنة وانت طيب وثانيا دى هدية عيد ميلادك ياجميل بس عايزة اجابات صريحة اتفضل الاسئلة

1 - متى يمضي الوقت دون ان تشعر به؟

2 - هل تتلقي النقد بصدر رحب ؟

3- نقد لمن توجهه ؟

4 - هل انت ممن يقتنعون بسرعة ؟

5 - ماالذي يجعلك تنفجر غضباً ؟

6 - ماذا تعني لك النصيحة ؟

7 - هل تتقبل النصيحه من كل من حولك سواء اعضاء او زملاءاو اهل واغراب ؟

8- اذا رايت موضوع ولم يعجبك او ازعجك هل تعبر عما يعصف بك او تسكت ؟؟

9- مارأيك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟

10- ماهو شعورك عندما يطرح عليك سؤال تعجز الرد عليه ؟

11- فرضا لو اصبحت انثى ليوم واحد دون ان يعرف احد بالامر فما الذي سوف تقوم به من ادوار البنات التي لا تستطيع القيام بها و انت رجل ؟؟


12- ما رأيك بالمرأة اليوم....؟

13- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟

14- لو اتحطيت في اختيار بين حبيبتك وصديقك تختار مين وتضحي بمين؟

15-كل شخص مننا جواه نسبة حزن ياترى نسبة الحزن جوه بيدو كام في المية؟

16- مين اقربلك وبتحس انه فاهمك اكتر والدك والا والدتك ؟؟؟

17- ايه الموضوع اللي اتكتب في المنتدى هنا واتمنيت بينك وبين نفسك انك كنت صاحب الموضوع؟؟؟

18- مين الصديق اللي ممكن تعتبره قدوة ليك وتتمني تكون زيه؟؟

19- لو حبيت شخص مش حاسس بيك ياترى تعمل ايه ؟؟؟؟

20- ايه النيك نيم اللي كتبته ع الماسنجر وكنت حاسس انه بيعبر عن بيدو كويس؟؟؟ وايه النيم اللي حد من اللي ضايفهم كتبه وعجبك واتمنيت تكتبه؟؟

21-هاقولك كلمات توجهها لاشخاص في اصحاب توب :
- بحبــــــــك
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا في اصحاب توب
- انت دمك خفيف اوى
- انت شخصية قوية تتحمل الصعاب

22-هل خسرت صديق قبل كده؟ وليه ده حصل؟ وياترى بتعامله ازاى دلوقت لو اتقابلتوا؟؟

23- هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

24- هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟

25- ايه العيب اللي شوفته في بيدو وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟

26- ايه العيب او الصفة اللي ماتقدرش تتحملها في اللي قدامك؟؟؟؟؟

27- ايه اكتر حاجة بتحبها في ملوكة؟؟؟ واكتر حاجة بتتضايق منها؟؟؟ وبرده نفس السؤال عن بلاك كات

28- بتحب ايه اكتر حاجة في كل من:
- شهور السنة
- فصول السنة
-ايام الاسبوع
- الليل والا النهار
- الأكلات
- المشروبات
- الالوان

29- لو هاتسافر مكان ومطلوب منك تاخد شخصين بس معاك تختار مين؟؟؟

30- دموع بيدو سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟

31-ايه الاسئلة او الجمل اللي توجهها لكل من: (كل واحد سؤال او جملة )
- بلاك كات
- طبيب جراح
- ميمو
- كريزي جيرل
- نور عينى
- ميرو
- محمد ميزو
-ماندو
- بيدو
- مونى منى
- ملوكة

32- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

33- ايه السؤال اللي كنت تتمنى انى ماسألوش ؟؟؟
يلا ياباشا مشي حالك بالشوية دول على مااجبلك الباقى جاوب بقى وورينا شطارتك ياجميل
فااااااااااااااااااااااااااااااااصل واوعى تفاصل ههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الثلاثاء سبتمبر 28, 2010 10:25 am

وانتى طيبة يا قمر

1 - متى يمضي الوقت دون ان تشعر به؟

مع حبيبتى وروح قلبى

2 - هل تتلقي النقد بصدر رحب ؟

ساعات كتير اه

3- نقد لمن توجهه ؟

لاسرتى

4 - هل انت ممن يقتنعون بسرعة ؟

اه جدا

5 - ماالذي يجعلك تنفجر غضباً ؟

الغباء والاهمال وساعات من غير سبب جنان كده

6 - ماذا تعني لك النصيحة ؟

دليلى لما تكون من حد ثقة

7 - هل تتقبل النصيحه من كل من حولك سواء اعضاء او زملاءاو اهل واغراب ؟

اه بتقبلها دايما وساعات بطلب النصيحة من بعض الناس

8- اذا رايت موضوع ولم يعجبك او ازعجك هل تعبر عما يعصف بك او تسكت ؟؟

ساعات الواحد بيسكت من كتر ما هو مش قادر يعبر عن الازعاج...بس لما يتطلب الامر بتدخل

9- مارأيك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟

نسبة قليلة اوى بستفاد منها

10- ماهو شعورك عندما يطرح عليك سؤال تعجز الرد عليه ؟

بحاول ادور على الاجابة ولو معرفتش بعترف بعجزى عن الرد

11- فرضا لو اصبحت انثى ليوم واحد دون ان يعرف احد بالامر فما الذي سوف تقوم به من ادوار البنات التي لا تستطيع القيام بها و انت رجل ؟؟

هعمل دور واحدة متقدملها عريس وهى ترفضه

12- ما رأيك بالمرأة اليوم....؟

معظمهم عايشين ف دور المظلومين وده وهم طبعا ... وفى نسبة مش صغيرة تستاهل الاعدام ...وفى نسبة صغيرة اوى ممكن يتقال عليهم ملايكة

13- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟

الصداقة مشاركة وجدانية ومعنوية فى الشدة والفرح...صديقى ف الحياة (مؤمن ) حبيبى...وقى المنتدى بعتز جدا بمعرفة ميرو

14- لو اتحطيت في اختيار بين حبيبتك وصديقك تختار مين وتضحي بمين؟

اختار حببتى

15-كل شخص مننا جواه نسبة حزن ياترى نسبة الحزن جوه بيدو كام في المية؟

80%

16- مين اقربلك وبتحس انه فاهمك اكتر والدك والا والدتك ؟؟؟

والدى

17- ايه الموضوع اللي اتكتب في المنتدى هنا واتمنيت بينك وبين نفسك انك كنت صاحب الموضوع؟؟؟

كل موضوع بيبقى مناسب للى كاتبه ومعتدقش انه ممكن غيره يكتبه

18- مين الصديق اللي ممكن تعتبره قدوة ليك وتتمني تكون زيه؟؟

بيدو

19- لو حبيت شخص مش حاسس بيك ياترى تعمل ايه ؟؟؟؟

بحاول الفت نظره باى طريقة ولو محسش بقى هقوله بحببببببببببببببببببببك حس بقى

20- ايه النيك نيم اللي كتبته ع الماسنجر وكنت حاسس انه بيعبر عن بيدو كويس؟؟؟ وايه النيم اللي حد من اللي ضايفهم كتبه وعجبك واتمنيت تكتبه؟؟

كتبت مرة( فى الف غيرها)........وفى حد كان كاتب حاجة عجبتنى بتقول ....تحياتى لمن دمر حياتى

21-هاقولك كلمات توجهها لاشخاص في اصحاب توب :
- بحبــــــــك : كصداقة ميرو
- مواضيعك ممتازة : ميرو بردو
- انت فين وغايب عننا ليه: الله بقى ميرو بردو
- المنتدى وحش من غيرك: ميرووووووووووووو
- رأيك بيعجبنى : نور
- انت شخصية محبوبة جدا في اصحاب توب: سارة
- انت دمك خفيف اوى: بيدو
- انت شخصية قوية تتحمل الصعاب: ندى

22-هل خسرت صديق قبل كده؟ وليه ده حصل؟ وياترى بتعامله ازاى دلوقت لو اتقابلتوا؟؟

اه كتير بس مبزعلش على خسارة حد كان ممكن يبقى صديق سوء...وبسلم عليه لما نتقابل عادى بس مبتكلمش كتير

23- هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

ظلمت واحدة لما قولتلها بحبك....وصلحت الموقف بصعوبة لكنها سامحتنى الحمدلله

24- هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟

اه فى واحدة كده ظلمتنى لانا كانت بتلعب بمشاعرى وكانت هتجيبلى امراض نفسية زيادة على اللى عندى اساسا

25- ايه العيب اللي شوفته في بيدو وقدرت تغيره؟؟؟؟ وايه العيب اللي شوفته ومش قادر تتغلب عليه؟؟؟

شوية خجل كده وانظوائية...بس متغلبتش لسه على الانهزامية واللامبالاة

26- ايه العيب او الصفة اللي ماتقدرش تتحملها في اللي قدامك؟؟؟؟؟

الكدب

27- ايه اكتر حاجة بتحبها في ملوكة؟؟؟ واكتر حاجة بتتضايق منها؟؟؟ وبرده نفس السؤال عن بلاك كات

ملوكة انسانة طيبة جدا وبحب فيها انها بتتحمل المسئولية وبتضايق منها لما متفهمنيش كويس وتتضايق منى

بلاك بقى دمها خفيف وبتعمل للشات والمنتدى مجال كده ...بس بتضايق منها لانها مش عايزة تفهم انى اكبر منها

28- بتحب ايه اكتر حاجة في كل من:

- شهور السنة: 1

- فصول السنة: الشتاء

-ايام الاسبوع: الاتنين عشان اتولدت فيه

- الليل والا النهار: الليل

- الأكلات : لسان العصفور وشوربة الخضار

- المشروبات: فيروز او شويبس جولد

- الالوان:الازرق

29- لو هاتسافر مكان ومطلوب منك تاخد شخصين بس معاك تختار مين؟؟؟

حبيبتى وحبيبتى

30- دموع بيدو سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟

سهلة اوى الناس تشوفها ...ومبخجلش من حبيبتى لما تشوفها

31-ايه الاسئلة او الجمل اللي توجهها لكل من: (كل واحد سؤال او جملة )

- بلاك كات: يارب دايما تدى للمنتدى حيوية

- طبيب جراح: ياريت ترجع تشارك

- ميمو : مستنيين منك كل جديد

- كريزي جيرل:ازيك عاملة ايه؟؟؟؟

- نور عينى: ربنا معاكى يارب ومتزعليش من اى حاجة

- ميرو: وحشتينااااااااااااااا امتى هتنورى تانى بقى

- محمد ميزو: منور المنتدى

-ماندو: ياريت تيجى نتعرف عليك اكتر وتشارك معانا

- بيدو: انت برنس على فكرة بس محدش فاهمك

- مونى منى: ياريت تشاركى معانا عشان اتعرف عليكى اكتر

- ملوكة: ايه رأيك فى شخصيتى واجاباتى؟؟؟؟؟؟

32- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

احب ازور مكة طبعا واشوف الكعبة....... وكنت اتمنى ابقى سورى لو مكنتش مصرى

33- ايه السؤال اللي كنت تتمنى انى ماسألوش ؟؟؟

- لو اتحطيت في اختيار بين حبيبتك وصديقك تختار مين وتضحي بمين؟


*************

انا مش متعود حد يسألنى كده

بس ياريت تكون اجاباتى متزعلش حد

وياريت تفضل اسئلة ينفع اجاوب عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
blackcat4


avatar

الابراج : الميزان
الكلب
تاريخ التسجيل : 05/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الثلاثاء سبتمبر 28, 2010 3:40 pm

هههههههههههههه اوعي تفهمني صح وتفتكر اني شمتانه فيك ههههههههههههههه


استلقي وعدك بقا





1-مــــن انـــــــت ...؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- مـــــن يطـــــربك ...؟؟

7- ماهي التجربه التي تتمنى تكرارها ...؟؟

8- من هو توأم روحك ...؟؟

9- ماهو اكثر شئ تخشاه...؟؟

10- مالذي يشعرك بأكثر قدر من الحرج...؟؟

11- نزار شاعر المرأه.... وانت شاعر من ...؟؟

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

13- جريمه تتمنى ارتكابها...؟؟

14- هل سبق وفكرت في الإنتحار ...؟؟

15- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟


16- كـنــت فـــي بـــرنـامــج مـــن سـيــربـــح الـمـــلـيـــون وعاوز تـتــصــل بــصـــديـــق ...مــن
تــخـتــــار مــن الاعـضــــاء؟؟

17- حتروح رحـلــه بــــريــة مـــن تـــاخـــذ مــعاك من الاعضاء ؟؟

18- عـنـــدك مـشـكـلـة ...مـين هـــوه العضو الي مـمـكـــن يــشــاركك هـمــك ؟؟

19-عــضـــو عاوز تـطـلــب مـنــه طــلـب ؟؟ وايه هــو دا الـطـلـــب ؟؟

20-عــضـــو عاوز تـتـــعــرف عـلـيــه بـــس مكسوف مـنــه؟؟

21-عـضــو بتــحــس انــو مـــواضـيــعــو ذوق و جميلة اوي ؟؟؟؟

22- ايهما اكثر وبصراحه استلامك للرسائل الخاصة أم ارسالك للرسائل الخاصة ؟؟


23 - مارأيك بالغيرة ؟؟


24- ماذا تقول لمن ظلمك ؟؟


25- سر لأول مرة تقوله لنا؟؟


26- وجه/ي نقد لكاتب الموضوع ؟؟


27- هل وضعك كلمة منقول لموضوع نقلته تزعجك ؟؟


28- كتاب حياتك بما تصفه في كلمات معدودة ؟؟


29- شخص تفتقده ,, من هو ؟؟ ليس شرطا ان يكون عضوا !!!!!


30- قرار اتخذته وتسرعت به ومن ثم ندمت عليه؟؟


31- لا أسمع لا أرى لا أتكلم ,, متى تطبق هذه المقوله بحياتك ؟؟


32- قم بتوجيه نصائح إلى خمس أعضاء قم بأختيارهم أنت ؟؟


33- ماهو أكثر شي يحرجك ؟؟


34- لو الزمان عاد يوما ماالشي الذي ستفعله مرة أخرى وماالشيء الذي لن تفعله مره أخرى ؟؟


35- ملحوظه لاحظتها على عضو من الاعضاء ماهي ؟؟ ومن هو العضو ؟؟


36- شيء حدث بحياتك غير مجرى حياتك ؟؟


37- كلمة تتمنى تسمعها كل يوم ؟؟

38- هل جنس كاتب الموضوع له تأثير عليك لتضع رد ؟؟؟

39-ماشعورك عندما ترى دموع حبيبك ؟؟

40-ما شعورك حصل خلاف بينك وبين من تحبه بسب كلام الاخرين ؟؟

41- ما شعورك عندما تسمع كلام سيئ على من تحبه وماذا تقول؟؟

42-هل تترك هذا الشخص الذي تحبه بسبب كلام سمعته عنه ام تصبر حتى تعرف الحقيقه؟؟

43- عندما يقول لك اغلا انسان الى قلبك اتركني ارحل من حياتي لا اريد ان اشوفك بعد اليوم ماذا تشعر في تلك اللحظه؟؟؟

44-ما شعوركعندما تحبي شخص ويقول انه يحبك وفجئه يترك حبك ويرحل؟

45-ما شعورك (ي)عندما تفارق اغلا انسان احسنت اليه ؟

46-ما شعورك (ي)عندما تفقد اغلا شي في حياتك؟؟

47-ما شعورك عندما تبكي على انسان لا يستحق دموعك؟؟

48-ماذا تفعل اذا كان هناك اشخص يحب المشاكل لك(ي) ويحقد عليك ويجرح مشاعرك في المنتدى ..

49-هل تترك المنتدى او تبقى فيه حتى تنال توبيخ من الجميع؟؟

50- اكبر سر في حياتك محدش يعرفه غيرك انتي وربنا ؟؟ ولو قولتيه يبقي ذله ومهانه وغلط في حقك ؟؟ ولو كان كده يبقي ليه تعمليه من الاول ؟؟؟



هههههههههههههه علشان تقول مره تانيه اكبر منها ههههههههههه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأربعاء سبتمبر 29, 2010 8:40 am



1-مــــن انـــــــت ...؟؟

انسان يعيش ويتعايش

2-باقة ورد لمن تهديها ...؟؟

لامى

3- باقة شوك لمن تهديها ...؟؟

هما كتير بس عموما فى واحدة كده تستاهلها كنت اعرفها من فترة

4- اسوأ خبر سمعته...؟؟

وفاة خالتى

5- شخص لاترفض له طلبا ..؟؟

انا مش متعود ارفض طلب الا وكان فى ظروف ...بس فى حد كده مكنتش بعرف ارفضله طلب (my endless love

6- مـــــن يطـــــربك ...؟؟

صوت العصافير

7- ماهي التجربه التي تتمنى تكرارها ...؟؟

التبرع بالدم

8- من هو توأم روحك ...؟؟

مؤمن

9- ماهو اكثر شئ تخشاه...؟؟

المستقبل

10- مالذي يشعرك بأكثر قدر من الحرج...؟؟

لما الدكتور يطردنى من المدرج

11- نزار شاعر المرأه.... وانت شاعر من ...؟؟

انا موصلتش للدرجة دى بس ممكن تسمينى شاعر الحيرة

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من حببتى طبعا

13- جريمه تتمنى ارتكابها...؟؟

اقتل نفسى

14- هل سبق وفكرت في الإنتحار ...؟؟

الصراحة اه وفكرت بجدية تامة....كنت هرمى نفسى تحت القطر

15- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

انا مبعرفش ارسم...بس هحاول ارسم دايرة ونقطة برا الدايرة واكتب تحت الدايرة الامان والنقطة انا

16- كـنــت فـــي بـــرنـامــج مـــن سـيــربـــح الـمـــلـيـــون وعاوز تـتــصــل بــصـــديـــق ...مــن
تــخـتــــار مــن الاعـضــــاء؟؟

ميرو

17- حتروح رحـلــه بــــريــة مـــن تـــاخـــذ مــعاك من الاعضاء ؟؟

نور

18- عـنـــدك مـشـكـلـة ...مـين هـــوه العضو الي مـمـكـــن يــشــاركك هـمــك ؟؟

ندى

19-عــضـــو عاوز تـطـلــب مـنــه طــلـب ؟؟ وايه هــو دا الـطـلـــب ؟؟

ميرو بطلب منها ترجع للمنتدى

20-عــضـــو عاوز تـتـــعــرف عـلـيــه بـــس مكسوف مـنــه؟؟

ميمو

21-عـضــو بتــحــس انــو مـــواضـيــعــو ذوق و جميلة اوي ؟؟؟؟

ميرو

22- ايهما اكثر وبصراحه استلامك للرسائل الخاصة أم ارسالك للرسائل الخاصة ؟؟

الاتنين زى بعض تقريبا بس زادت الرسائل المستلمة فى الفترة الاخيرة


23 - مارأيك بالغيرة ؟؟

احلى حاجة فى حببتى بس يارب ما تزيد عن كده

24- ماذا تقول لمن ظلمك ؟؟

انتى ولا حاجة

25- سر لأول مرة تقوله لنا؟؟

انا متابعتش المنتدى ده غير عشان حد معين

26- وجه/ي نقد لكاتب الموضوع ؟؟

- جريمه تتمنى ارتكابها...؟؟

خلى اسئلتك شوية بعيد عن الشر لان السؤال ده رخم

27- هل وضعك كلمة منقول لموضوع نقلته تزعجك ؟؟

ساعات بتزعجنى لانى مش بحب حد يعرف مصادرى

28- كتاب حياتك بما تصفه في كلمات معدودة ؟؟

ياترى هتحقق اللى بتتمناه؟؟

29- شخص تفتقده ,, من هو ؟؟ ليس شرطا ان يكون عضوا !!!!!

هتصدقى لو قولتلك الشخص اللى ظلمنى؟

30- قرار اتخذته وتسرعت به ومن ثم ندمت عليه؟؟

قولت بحب قبل كده وكنت غلطان ومتسرع


31- لا أسمع لا أرى لا أتكلم ,, متى تطبق هذه المقوله بحياتك ؟؟

لما انام

32- قم بتوجيه نصائح إلى خمس أعضاء قم بأختيارهم أنت ؟؟

سارة: حاولى تفكرى اكتر

نور: لازم تاخدى خبرة اكتر فى الحياة

ندى: انسى الزعل وانسى اللى ظلمتك

ميرو: حاولى تدخلى المنتدى او قوليلنا غايبة ليه؟

رشدى : متكتبش عبرى تانى

33- ماهو أكثر شي يحرجك ؟؟

لما اسلم على حد وميخدش باله او يطنش

34- لو الزمان عاد يوما ماالشي الذي ستفعله مرة أخرى وماالشيء الذي لن تفعله مره أخرى ؟؟

كنت اتعرفت على واحدة معينة .......ومكنتش دخلت الكلية دى اللى انا فيها دلوقتى


35- ملحوظه لاحظتها على عضو من الاعضاء ماهي ؟؟ ومن هو العضو ؟؟

لاحظت ان مواضيع ميمو مكررة

36- شيء حدث بحياتك غير مجرى حياتك ؟؟

الحب اللى انا فيه دلوقتى


37- كلمة تتمنى تسمعها كل يوم ؟؟

وحشتنى بحبك

38- هل جنس كاتب الموضوع له تأثير عليك لتضع رد ؟؟؟

اه

39-ماشعورك عندما ترى دموع حبيبك ؟؟

بعيط انا كمان

40-ما شعورك حصل خلاف بينك وبين من تحبه بسب كلام الاخرين ؟؟

ده حصل قبل كده زمان وده انهى الموضوع ساعتها وانا كنت ف قمة الاكتئاب

41- ما شعورك عندما تسمع كلام سيئ على من تحبه وماذا تقول؟؟

طالما انا واثق ف ال بحبه مش هصدقه اكيد

42-هل تترك هذا الشخص الذي تحبه بسبب كلام سمعته عنه ام تصبر حتى تعرف الحقيقه؟؟

هعرف الحقيقة منه اكيد

43- عندما يقول لك اغلا انسان الى قلبك اتركني ارحل من حياتي لا اريد ان اشوفك بعد اليوم ماذا تشعر في تلك اللحظه؟؟؟

هشعر انى اتشليت وممكن معرف ارد او يغمى عليا

44-ما شعوركعندما تحبي شخص ويقول انه يحبك وفجئه يترك حبك ويرحل؟

نفس الاجابة السابقة

45-ما شعورك (ي)عندما تفارق اغلا انسان احسنت اليه ؟

هعيط

46-ما شعورك (ي)عندما تفقد اغلا شي في حياتك؟؟

ايه الاسئلة اللى شبه بعض دى

47-ما شعورك عندما تبكي على انسان لا يستحق دموعك؟؟

مش هندم بس ده غصب عنى وهبقى فكيت عن نفسى شوية

48-ماذا تفعل اذا كان هناك اشخص يحب المشاكل لك(ي) ويحقد عليك ويجرح مشاعرك في المنتدى ..

هتجاهله

49-هل تترك المنتدى او تبقى فيه حتى تنال توبيخ من الجميع؟؟

مش ممكن الناس كلها تكرهنى مرة واحدة ...بس لو حسيت انى ضيف غير مرغوب فيه همشى

50- اكبر سر في حياتك محدش يعرفه غيرك انتي وربنا ؟؟ ولو قولتيه يبقي ذله ومهانه وغلط في حقك ؟؟ ولو كان كده يبقي ليه تعمليه من الاول ؟؟؟

تقريبا السؤال مكنش موجهلى

طبعا اكبر منك .....وابقى راجعى الموضوع قبل ما تحرريه يا بلاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الجمعة أكتوبر 01, 2010 3:35 am






مبدأ الثواب و العقاب ...... ايه نظرتك ليه ؟


ما منعك ألا ليعطيك. ولا ابتلاك إلا ليعافيك. ولا امتحنك إلا ليصفيك
ما مدى رؤيتك الموضوعيه لهذه العباره؟؟؟

هل صادفت شئ منها مرأى العين لدرجه شعرت وقتها انها رساله صريحه لك ؟

كَذَلِكَ كُنتُم مِّن قَبْلُ فَمَنَّ اللّهُ عَلَيْكُم
لمن تقول هذه الأيه كتذكره؟.

كَبُرَ مَقْتاً عِندَ اللَّهِ أَن تَقُولُوا مَا لَا تَفْعَلُونَ
أيضا لمن تقولها

سَابِقُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَن يَشَاءُ وَاللَّهُ ذُو الْفَضْلِ الْعَظِيمِ

فى شخصى أنا هذه الأيه محور اساسى فى حياتى .. ماذا تمثل لك ؟

- متى تعتقد أنك أديت رسالتك فى الحياه ؟؟

- ما هى أهم العوامل فى بناء شخصيتك (غير والدتك او والدك طبعاً ) ؟؟

هل كانت شخصيتك ونمط حياتك على خط واحد فى مراحل عمرك المختلفه أم طرأ عليها تغير ما فى مرحلة من المراحل ؟؟؟

- ما هى المجلات والصحف التى تحرص دوماً على متابعتها متابعه دائمه ومستمره ؟؟

هل تفقد الثقه نهائياً فى من يكذب أو يخون الأمانه .. واذا حدث هل تجددها مرة أخرى أم يكون ذلك بلا رجعه؟

اذا تخيلنا أن هناك مدينة فاضله وكلفت بانشائها والتخطيط لها ... ما هو أول وأهم خلق أو صفه تود انتشارها بين افراد المدينه؟؟

ما هو شعورك عندما تسمع العبارات الآتيه
وما رأيك وانطباعك عمن يقولها

- وانا مالى
- انا عبد المأمور
- عيش ندل تموت مستور

اذا اشتركت فى مسابقه للذكاء .. كم تتوقع أن تكون نتيجتك بالنسبه المئويه
(سؤال مستفز )

أجمل أيام الدراسه بالنسبه لك (ابتدائى .. اعدادى .. ثانوى ..جامعه ) ؟؟؟ ولماذا ؟؟؟

- لو كان معاك مليون جنيه ... هاتعمل بيهم أيه ؟؟
(تعمل بيهم .. مش تديهم لغيرك يعمل بيهم ... يعنى ماينفعش تقولي هاتبرع بيهم لكذا وكذا ... انا عايزة اعرف هاتعمل بيهم ايه بنفسك )

- لو عرضوا عليك وزاره فى الحكومه .. تختار وزارة أيه ؟؟ ..وهاتعمل فيهاأيه ؟؟

- متى تشعر بالرغبه فى اغلاق الباب على نفسك والجلوس معها بعيد عن الناس ؟؟

أفضل توقيع شفته لمين ؟؟

أفضل موضوع كتبته ؟

الأكله المفضله ؟؟

اسعد خبر سمعته خلال الإسبوع الماضى ؟؟

اسعد خبر سمعته خلال العام الماضى ؟؟

خبر تتمني سماعه خلال الإسبوع القادم ؟؟

خبر تتمني سماعه خلال العام القادم ؟؟

ما هو أكثر تصرف يجعلك تفقد أعصابك سريعاً وتثور بشده ؟؟

أهم مميزاتك الشخصيه .. وأسوأ العيوب ؟

من الطبيعى لما حد بيسألنا عن شخصيتنا اننا بنظهر مميزاتها ... أيه اللى بتبقى حريصه أن الناس ما تعرفوش ؟

بيدو يابيدو
ايه رأيك فى

الغناء


الزواج


الغرب

الحب

الخيانة

الكدب

السعاده

الخيانة

الحياة

الامل

فيه حاجات الواحد بيعملها زعمره ما بنساها
قولنا تلاته من الاشياء الى عملتها ومش نستها ؟؟

كده كويس
ولا شويه

انا حاسة انهم شويه

طيب هلف لفه و اجيلك تانى

انا عاجبانى اجاباتك اوى يابيدو فيها منطقية وصراحة واضحة جدا ومحدش بيزعل من الصراحة وعلى فكرة انا هاخد بنصيحتك فى انى محتاجة خبرة فى الحياة نصيحة جميلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الجمعة أكتوبر 01, 2010 7:52 am

شكرا يا نور على رأيك الجميل واللى شجعنى اكتر انى اجاوب....وانا كمان بحب انك تنصحينى...وياريت تنورى المنتد دايما لانك بتفرقى فيه...وربنا معاكى ويوفقك



مبدأ الثواب و العقاب ...... ايه نظرتك ليه ؟

هو اساس مهم فى التربية وكمان فى الحياة العملية لكن يكون فى توافق فى الاتنين بالذات العقاب ميكنش مؤذى او مبرح ...وانا شايف انه نظام عادل لو كان مدروس


ما منعك ألا ليعطيك. ولا ابتلاك إلا ليعافيك. ولا امتحنك إلا ليصفيك

ما مدى رؤيتك الموضوعيه لهذه العباره؟؟؟

اكيد ..احنا مبنبقاش عارفين الخير فين....فاحنا لازم نرضى باللى ربنا كتبه ونحمد ربنا عليه

هل صادفت شئ منها مرأى العين لدرجه شعرت وقتها انها رساله صريحه لك ؟

كتير اوى منها انى معيبش على حد او اضحك على حد او اسخر منه ...لان فى حد اعرفه عمل كده وربنا ابتلاه بنفس الحاجة اللى كان بيعيب عليها

كَذَلِكَ كُنتُم مِّن قَبْلُ فَمَنَّ اللّهُ عَلَيْكُم
لمن تقول هذه الأيه كتذكره؟.

اقولها لواحد اعرفه فى الكلية لما ربنا وفقه... اتكبر شوية

كَبُرَ مَقْتاً عِندَ اللَّهِ أَن تَقُولُوا مَا لَا تَفْعَلُونَ
أيضا لمن تقولها

اقولها لواحد كان بيقولى احترم مواعيدك وهو اساس مش بيحترمها وبيبقى متاخر دايما

سَابِقُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَن يَشَاءُ وَاللَّهُ ذُو الْفَضْلِ الْعَظِيمِ

فى شخصى أنا هذه الأيه محور اساسى فى حياتى .. ماذا تمثل لك ؟

اتمنى انى اعمل بيها وربنا يرزقنى بيها يارب

- متى تعتقد أنك أديت رسالتك فى الحياه ؟؟

لما ارضى ماما وبابا مع ان ده صعب بالنسبة لبابا ههههههه... وكمان انى متتغيرش وجهة نظر الناس ليا ...عشان الناس بعد ما اموت مسبش حاجة وحشة ...وكمان ابقى سايب ذرية صالحة

- ما هى أهم العوامل فى بناء شخصيتك (غير والدتك او والدك طبعاً ) ؟؟

بعض الكتب والشعراء وحاجات كده من اصدقائى .....لكن اكتر جزء فى شخصيتى انا اللى شكلته ..عشان كده طالع غريب شوية ههههههه

هل كانت شخصيتك ونمط حياتك على خط واحد فى مراحل عمرك المختلفه أم طرأ عليها تغير ما فى مرحلة من المراحل ؟؟؟

لا طرأ تغير كبير حتى لو انتى تعرفينى من زمان متقوليش انى عبدالرحمن دلوقتى ...وعلى فكرة هو كذا تغير فى منه كويس وفى منه مش اوى

- ما هى المجلات والصحف التى تحرص دوماً على متابعتها متابعه دائمه ومستمره ؟؟

كنت بقرأ مجلة زهرة الخليج ...والشباب ..وانا صغير كنت بقرا ماجد وعلاء الدين ..دلوقتى بقرا جورنال الاهرام لانه فى نخبة من الكتاب بكن ليهم كل احترام

هل تفقد الثقه نهائياً فى من يكذب أو يخون الأمانه .. واذا حدث هل تجددها مرة أخرى أم يكون ذلك بلا رجعه؟

انا من عادتى بثق فى الناس اوى بس لو كذب مرة باخد حذرى منه دايما ...وساعات بوقف التعامل معاه عشان اريح دماغى

اذا تخيلنا أن هناك مدينة فاضله وكلفت بانشائها والتخطيط لها ... ما هو أول وأهم خلق أو صفه تود انتشارها بين افراد المدينه؟؟

التضحية

ما هو شعورك عندما تسمع العبارات الآتيه
وما رأيك وانطباعك عمن يقولها

- وانا مالى
- انا عبد المأمور
- عيش ندل تموت مستور

اولا ببقى متاكد انى فى مصر ....ثانيا لو ده اول تعامل مع الانسان ده بيبقى اخر تعامل

اذا اشتركت فى مسابقه للذكاء .. كم تتوقع أن تكون نتيجتك بالنسبه المئويه
(سؤال مستفز )

مش مستفز ولا حاجة ..بس معظم الوقت مبئاش مركز بس لو كنت مركز الفترة دى هاخد 103%

أجمل أيام الدراسه بالنسبه لك (ابتدائى .. اعدادى .. ثانوى ..جامعه ) ؟؟؟ ولماذا ؟؟؟

الجامعة لانى فهمت حاجات كتير مكنتش فاهمها كمان حسيت انى واخد حريتى اكتر واهم حاجة مفهاش يونيفورم او طابور ههههههههه

- لو كان معاك مليون جنيه ... هاتعمل بيهم أيه ؟؟
(تعمل بيهم .. مش تديهم لغيرك يعمل بيهم ... يعنى ماينفعش تقولي هاتبرع بيهم لكذا وكذا ... انا عايزة اعرف هاتعمل بيهم ايه بنفسك )

هجيبب عربية BMW وبعد كده هروح لدار نشر تنشر اللى انا كاتبه .....وهظبط نفسى بقى ...وده يطول شرحه

- لو عرضوا عليك وزاره فى الحكومه .. تختار وزارة أيه ؟؟ ..وهاتعمل فيهاأيه ؟؟

اختار وزارة الثقافة ......هحاول اصلح من المكتبات فى مصر وهمنع كام كتاب كده مش عاجبنى

- متى تشعر بالرغبه فى اغلاق الباب على نفسك والجلوس معها بعيد عن الناس ؟؟

ده بعمله كتير لما انام او بفكر شوية او لما اكلم حد معين او لما اعيط

أفضل توقيع شفته لمين ؟؟

انتى يا نور كمان الصورة الحلوة المتحركة دى

أفضل موضوع كتبته ؟

لما واحدة ظلمتنى معاها وجيت كتبت هنا معرفش انتى شفتيه ولا لا...فى قسم النقاش الجاد تقريبا

الأكله المفضله ؟؟

شوربة الخضار

اسعد خبر سمعته خلال الإسبوع الماضى ؟؟

مفيش حاجة معينة الصراحة

اسعد خبر سمعته خلال العام الماضى ؟؟

لما تيتا عملت عملية ونجحت وخفت

خبر تتمني سماعه خلال الإسبوع القادم ؟؟

بكرة اجازة

خبر تتمني سماعه خلال العام القادم ؟؟

انى خطبت رسمى

ما هو أكثر تصرف يجعلك تفقد أعصابك سريعاً وتثور بشده ؟؟

لما حد ميحسش انى زعلان ويعد يدايئنى وشايف انى زعلان ويزودها ....بس انا بكره الاهمال اوى

أهم مميزاتك الشخصيه .. وأسوأ العيوب ؟

مش عارف اوى مميزاتى بس فى ناس بتقولى انى جدع وطيب ودماغ وبعرف انقد كويس ورومانسى وحاجات كده مش متأكد منها....وعيوبى شوية خجل واستسلام وانهزامية وتردد وشك وتسرع و و و و و .......

من الطبيعى لما حد بيسألنا عن شخصيتنا اننا بنظهر مميزاتها ... أيه اللى بتبقى حريصه أن الناس ما تعرفوش ؟

الخجل والتردد

بيدو يابيدو
ايه رأيك فى

الغناء

مش عارف بس انا بسمع حاجات معينة كده لما بتعبر على انا فيه

الزواج

محطة فى الحياة زى التعليم والجيش

الغرب

متقدمين عناا ب500 سنة

الحب

منقدرش نعيش من غيره

الخيانة

بتوجع اوى من ناس معينة

الكدب

داء المنافقين

السعاده

نفسى تصاحبنى شوية

الحياة

بعد الموت هى الخالدة

والحياة الاولى لازم نحسبها عشان هنتحاسب عليها

الامل

من غيره نموت احسن

فيه حاجات الواحد بيعملها وعمره ما بنساها
قولنا تلاته من الاشياء الى عملتها ومش نستها ؟؟

لما دخلت المنتدى واتعرفت عليكم


لما دخلت الكلية واتعرفت على ناس معينة وناس ساعدونى وانا ساعدتهم


و لما كنت تعباان اوى فترة كبيرة وماما كانت خايفة عليا اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأحد أكتوبر 03, 2010 8:02 am

ياجامد على اجاباتك بجد طلعت جامد يابيدو واجاباتك عجبانى جدا فيها منطقية وصراحة لذيذة بجد شابو عليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الإثنين أكتوبر 04, 2010 9:20 am

احنا بنتعلم منك يا عسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الإثنين أكتوبر 04, 2010 12:52 pm

بتتعلمو منى ايه بس ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الثلاثاء أكتوبر 05, 2010 1:54 am

بنتعلم الصراحة والوضوح ......مش مجاملة يعنى .........

بس صحيح هو الاسئلة كده خلصت؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأربعاء أكتوبر 06, 2010 11:43 am

لاخلصت ايه ههههههههههههههههههههههههههههههههههههههههههههههههههههههههههههههه
امسك ياعم الاسئلة اهى ال خلصت ال هههههههههههههه احان بنلعب هنا ولاايه ههههههههههههه


1-من هو احب شخص اليك في الوجود بعد الله والرسول؟ولماذا؟
2-ما هي اجمل صفة في صديقك المفضل؟
3-هل تعتقد انه يوجد حب في هذة الايام؟
4-ماهي اجمل صفة موجوده فيك لاحظت ان الكل معجب فيها ؟
5-ماهي اجمل نصيحة سمعتها في حياتك؟
6-هل تستطيع مسامحة من جرحك يوما جرح عميق؟
7-ماهي اجمل حكمة سمعتها ؟
8-ماهو اجمل بيت شعر يعجبك؟
9- عرف نفسك بكلمة واحدة؟؟
10- لديك ثلاث وردات :: حمراء,صفراء,بيضاء .. لمن تهديها؟؟؟
11-رسالة اعتذار :: الى من تقدمها؟؟
12- ماذا يعني لك كل من ::
البحر
الظلام
الطفل
الوردة

13-تكلم لنا عن حياتك التي عشتها بسطر واحد؟؟

14-ماذا تعني لك الصداقة؟؟

15-كلمة شكر لمن تهديها؟؟

16-(عمري لو هديته لك مااظن تعرف غلاك) من يستاهل هالعبارة؟؟ "شخص واحد فقط"

17-اغمض عينيك دقيقه لو سمحت* ماذا خطر على بالك وانت مغمض العينين ؟

18-هل تؤيد الزواج العاطفي ام الزواج التقليدي ؟ ولماذا ؟

19-ايهما اهم شهادتك الجامعيه أم الزواج ممن تحب ؟

20- هل من الممكن ان تتحول الصداقه الى حب ؟لماذا في رأيك؟!!

21-هل تعترف بشيء اسمه الصداقه بين الرجل والمرأة ؟أيضا لماذا؟!

22-هل كنت السبب في يوما من الايام ان تدمر حياة شخص أو تجرحه سواء العمليه او الاجتماعيه او العاطفيه؟

23-هل انت مدمن تفكير؟

24-من هو اكثر شخص تفكر فيه؟

25- اذا تم تعيينك ملكا لجميع البلاد العربيه فما اول قرار ستتخذه ؟

26-هل تكره شخص بشده في حياتك ؟

27-ما هو اقتراحك الذي تتمنى ان يحدث في هذا المنتدى ولم يحدث الى الان ؟

28-هل ملابس الشخص امامك تؤثر فيك لتأخذ عنه انطباع ؟؟

29-ماالذي يلفت انتباهك بسرعه في الشخص لكي تعجب به ؟

30- اذا احببت شخصا في الوقت الخطأ وفي المكان الخطأ فماذا تفعل ؟؟

31- حكمة تؤمن بها جدا؟؟

32- عاده تفعلها دائما تتمنى ان تتركها ؟

33- ماهو اجمل اسم لولد واجمل اسم لبنت من وجهة نظرك؟

34- ماذا تفعل اول شيء اذا ربحت مليون عشان مانكون طماعين؟(بس المرة دى مش ليك هتعمل بيهم لاى حد هيكون مين وليه؟)

35- هل انت من لديهم رغبة حب التملك واذا امتلكت الشيء اصابك الملل منه ؟

36-ما هو الحب؟

37-ماهو تعريفه بالنسبه لك؟

38-هل تؤمن بالحب؟

39-هل تؤمن بحب الاول نظره؟

40-ماذا تعنى كلمه الحب بالنسبه للفتاه وبالنسبه للرجل؟

41-ما الفرق بين الحب والاعجاب بالنسبه لك وليكى؟

42-ما الفرق بين الحب الكاذب والبغض الملموس؟

43-هل جعلت فى يوم من الايام كلمه احبك وسيله لشىء؟

يلا ياجميل مشي حالك بدول على ماارجعلك تانى فاصل واوعى تفكر تهرب لانك هترجع تانى ههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Bedooo


avatar

الابراج : الميزان
الماعز
تاريخ التسجيل : 20/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الأربعاء أكتوبر 06, 2010 2:29 pm

انا كنت بحسب بس ......ادينى ادينى انا موجود اهو


1-من هو احب شخص اليك في الوجود بعد الله والرسول؟ولماذا؟

أنا.....لانى مش بثق فى حد غير نفسى وكمان ساعات مش بثق فى نفسى ....ممكن تبقى اجابتى انانية بس ملقتش حد الصراحة احبه اوى كده

2-ما هي اجمل صفة في صديقك المفضل؟

بيدينى حيوية وبيجنبنى كتير من الكسل.....وشوية صراحة كده

3-هل تعتقد انه يوجد حب في هذة الايام؟

فى كتير اوى ....بس الظروف ساعات بتقف ضده

4-ماهي اجمل صفة موجوده فيك لاحظت ان الكل معجب فيها ؟

صواب الرأى ....وشوية ذكاء كده

5-ماهي اجمل نصيحة سمعتها في حياتك؟

انسى

6-هل تستطيع مسامحة من جرحك يوما جرح عميق؟

اقولك بصراحة ..اه ...انا بصفى بسرعة اوى وكمان بزعل اسرع

7-ماهي اجمل حكمة سمعتها ؟

العقل السليم فى الجسم السليم... هههههههههه

8-ماهو اجمل بيت شعر يعجبك؟

فليتك تحلو والحياة مريرة....وليتك ترضى والانام غضاب

وليت الذى بينى وبينك عامر...وبينى وبين العالمين خراب

ان صح منك الود فالكل هين...وكل الذى فوق التراب تراب

9- عرف نفسك بكلمة واحدة؟؟

انسان متقلب

10- لديك ثلاث وردات :: حمراء,صفراء,بيضاء .. لمن تهديها؟؟؟

حمراء: لحببتى وروح قلبى

صفراء:لامى

بيضاء: لواحدة عرفتها زمان اوى وهى مكتوب كتابها دلوقتى

11-رسالة اعتذار :: الى من تقدمها؟؟

الى اصدقائى اللى مش بسأل عنهم

12- ماذا يعني لك كل من ::
البحر: الضياع
الظلام:التفكير
الطفل: البراءة والعفوية
الوردة : الجمال

13-تكلم لنا عن حياتك التي عشتها بسطر واحد؟؟

حيرة وخوف ممزوجين باجتهاد وسه ليالى وبحث عن الراحة ولسه ملقتهاش

14-ماذا تعني لك الصداقة؟؟

مشاركة وجدانية وروحية ومادية

15-كلمة شكر لمن تهديها؟؟

لاخويا الكبير لنصايحه الكتيرة واللى طلعت صح

16-(عمري لو هديته لك مااظن تعرف غلاك) من يستاهل هالعبارة؟؟ "شخص واحد فقط

مامااااااااااااااااااااااااااا

17-اغمض عينيك دقيقه لو سمحت* ماذا خطر على بالك وانت مغمض العينين ؟

اروح اتصل بحببتى عشان وحشتنى

18-هل تؤيد الزواج العاطفي ام الزواج التقليدي ؟ ولماذا ؟

انه يكون مناسب بغض لنظر عن اى شىء ويكون فيه قبول ....وعلى فكرة الحب بعد الجواز ابقى من الحب قبله

19-ايهما اهم شهادتك الجامعيه أم الزواج ممن تحب ؟

شهادتى الجامعية

20- هل من الممكن ان تتحول الصداقه الى حب ؟لماذا في رأيك؟!!

كتير اوى ...عشان بنبقى عايزين نفضل مع الشخص ده كتير اوى ومش بنلاقى غير الارتباط هو اللى يوصلنا لكده

21-هل تعترف بشيء اسمه الصداقه بين الرجل والمرأة ؟أيضا لماذا؟!

هو موجود فى زمالة العمل ممكن تتحول لصداقة.....لان ده بيبقى ارتياح وساعات بنحب نحكى لبعض مشاكلنا


22-هل كنت السبب في يوما من الايام ان تدمر حياة شخص أو تجرحه سواء العمليه او الاجتماعيه او العاطفيه؟

اه

23-هل انت مدمن تفكير؟

اه اوى

24-من هو اكثر شخص تفكر فيه؟

حببتى طبعا

25- اذا تم تعيينك ملكا لجميع البلاد العربيه فما اول قرار ستتخذه ؟

الحكم بالقرأن

26-هل تكره شخص بشده في حياتك ؟

مش اوى بس بكره مؤقتا

27-ما هو اقتراحك الذي تتمنى ان يحدث في هذا المنتدى ولم يحدث الى الان ؟

انه يتنقل دوت كوم..بجد نفسى ف كده

28-هل ملابس الشخص امامك تؤثر فيك لتأخذ عنه انطباع ؟؟

مش من اول مرة لما اعرف نظام لبسه بعرفه

29-ماالذي يلفت انتباهك بسرعه في الشخص لكي تعجب به ؟

طريقتة فى الكلام

30- اذا احببت شخصا في الوقت الخطأ وفي المكان الخطأ فماذا تفعل ؟؟

احاول انساه

31- حكمة تؤمن بها جدا؟؟

من امنك متخونوش ولو كنت خاين

32- عاده تفعلها دائما تتمنى ان تتركها ؟

.............ما بلاش السؤال ده

33- ماهو اجمل اسم لولد واجمل اسم لبنت من وجهة نظرك؟

ولد احمد.....بنت سلمى

34- ماذا تفعل اول شيء اذا ربحت مليون عشان مانكون طماعين؟(بس المرة دى مش ليك هتعمل بيهم لاى حد هيكون مين وليه؟)

نص لماما وبابا واخواتى ونص ليا وحببتى نشترى بيهم شقة حلوة يبقى عش حبنا

35- هل انت من لديهم رغبة حب التملك واذا امتلكت الشيء اصابك الملل منه ؟

خااااااااااااااااالص

36-ما هو الحب؟

التضحية والوفاء والاخلاص وكل حاجة حلوة

37-ماهو تعريفه بالنسبه لك؟

الامان

38-هل تؤمن بالحب؟

اكيد

39-هل تؤمن بحب الاول نظره؟

جربته وكان حلو اوى

40-ماذا تعنى كلمه الحب بالنسبه للفتاه وبالنسبه للرجل؟

الفتاة عاطفية اكتر من الرجل وبالنسبة ليها كل حاجة وبالنسبة للراجل الراحة والامان والحنان

41-ما الفرق بين الحب والاعجاب بالنسبه لك وليكى؟

الحب نهايته السعيدة الجواز والاعجاب ممكن يكون لحظى بس ممكن يطول لحب

42-ما الفرق بين الحب الكاذب والبغض الملموس؟

البغض الملموس يقتل مرة ولكن الحب الكاذب يقتل الف مرة

43-هل جعلت فى يوم من الايام كلمه احبك وسيله لشىء؟

اه مرة قولتها عشان انسى وانا اسف عشان عملت كده وندمت اوى


ايه الاسئلىة الجامدة دى يا نور...لا وكيلة نيابة على حق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MLOKA


avatar

الابراج : الثور
الماعز
تاريخ التسجيل : 07/03/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الخميس أكتوبر 07, 2010 12:40 pm

هههههههههههههههههههههههههههههههههههههههههههههههههههههههههههههههههههههههههه
وكيلة نيابة مرة واحدة ههههههههههههههههههههههههههههههههههههههه الاسئلة عادية خالص يابيدو
ومفيهاش اى تحقيق يعنى ولااى حاجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
entaomri


avatar

الابراج : الثور
الكلب
تاريخ التسجيل : 25/02/2010
الأوســـمــــة :



مُساهمةموضوع: رد: نرحب بأعضاء منتدى اصحاب توب على كرسي الاعتراف   الخميس أكتوبر 14, 2010 11:50 am

اذيكوا يا جماعة وحشتونى موووووووووووووووووووووووووت ابقوا طمنونى عليكوا ومنور جدا يا بيدو على كرسى الاعتراف واجباتك جااااااااااااااااااامدة جدااااااااا ياريت تتقبلوا مرورى Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://as7ab-top.roo7.biz
 
نرحب بأعضاء منتدى اصحاب توب على كرسي الاعتراف
الرجوع الى أعلى الصفحة 
صفحة 8 من اصل 8انتقل الى الصفحة : الصفحة السابقة  1, 2, 3, 4, 5, 6, 7, 8

صلاحيات هذا المنتدى:لاتستطيع الرد على المواضيع في هذا المنتدى
ـ ـمـ ــ ـنـ ــ ـتـ ــ ـدـ ـيـ ـآـ ـتـ ـ آـ ـصـ ــ ـحـ ـآـ ـبـ ـ ـ ـتـ ــ ـوـ ـبـ ـ :: ¯−ـ‗ऊ_»ऋँالـمـنـتـديـات الـتــرفـيــهــيــةऋँ«_ऊ‗ـ−¯ :: كــرسـى الاعــتـــراف-
انتقل الى: